Janë dy nga mbretëreshat e popit, ashtu sikurse përfaqësojnë forcën femërore lidhur me suksesin e karriera afatgjata. Jennifer Lopez, e adhuruar që përpara viteve 2000; një figurë që jo vetëm nuk ka mbetur në hije, por vazhdon të merret si shembull për energjinë që e karakterizon, si dhe për format bombastike trupore në moshën 47-vjeçare. Beyonce, personazh i padiskutueshëm, ajo që çmend internetin vetëm me publikimin e fotos së parë të binjakëve të porsalindur; këngëtare e cila vjen si paketë me talentin, bukurinë e opinionet personale në tërësi.
Nëse ju frymëzon stili i Bey, nuk keni parë gjë ende. Që nga koha kur bashkëshortja e Jay Z ishte ende e përfshirë në grupin Destiny Child, duket se adhurimi i kësaj të fundit mbi modën ka qenë dhe vazhdon të mbetet Jennifer Lopez. Jo vetëm për daljet në skenë, por dhe në aktivitete më pranë jetës së përditshme, Beyonce preferon stilin e J-Lo për t’u paraqitur sa në një dalje publike, në tjetrën. Në galeri do të gjeni 15 prova, që vërtetojnë se Bey dhe Lopez janë veshur njësoj në raste të ndryshme. E ku ka më mirë se ‘Jenny from the block’, apo jo?
