Nuk është e pazakontë të nisësh e të pyesësh veten nëse ai ndan të njëjtat ndjenja ashtu si dhe ti. Dëshiron ta besosh, por a mund të jesh e bindur plotësisht? E ke një provë të vogël zjarri: është mënyra sesi sillet me ty, e sidomos gjërat që NUK i bën.
Nuk i injoron mesazhet dhe telefonatat e tua
Një mashkull i dashuruar nuk do të të linte asnjëherë pa përgjigje, edhe atëherë kur po sheh ndeshjen me shokët. Ai do të jetë gjithmonë në kontakt, pavarësisht rrethanave, e mbi të gjitha, do t`i tregojë që përpara planet e veta kur ti nuk je e përfshirë në to.Nësë gjen vazhdimisht justifikime se nuk të merr dot me vete, bëj kujdes!
Nuk ka nevojë për “hapësirë”
Kur janë të dashuruar, meshkujt duan të kalojnë sa më shumë kohë që të jetë e mundur me partneret e tyre dhe bëjnë gjithë çcfarë kanë në dorë që kjo të realizohet.
Nuk të kritikon gjithmonë
Pak kritikë nuk dëmton, por ndryshe janë gjërat kur ka një koment për çdo situatë, si vishesh, si flet në tavolinë me tjerët, apo kur gjen gjithmonë diçka te darka që i përgatit me aq dëshirë. Kjo nuk premton për mirë.
Kur kalon kohë me femra të tjera në vend që të jetë me ty
Nuk po themi se mashkulli s`duhet të ketë shoqe, por kur zgjedh të rrijë më shumë me to, (sidomos nëse i ka njohur pas fillimit të marrëdhënies tuaj) nuk është personi i duhur për ty. Ai varianti i famshëm “jemi thjesht shokë“ nuk duhet besuar gjithmonë.
Nuk të konsideron prioritet
Keni jetë intensive, punë shumë kërkuese, familje që kanë nevojë për mbështetje, dhe sërish ai gjen kohën dhe hapësirën që të jesh ti përherë në vend të parë, kjo po, është shenjë e dashurisë së vërtetë. Në të kundërt, peshoje mirë edhe një herë.
