Ende pa u prehur mire, në Twitter kanë plasur polemika të forta mbi Karl Lagerfeld. Aktorja Jameela Jamil nëpërmjet postimeve në llogarinë e saj e ka përshkruar ish-drejtuesin kreativ të shtëpisë së modës Chanel dhe Fendi si një njeri, i cili i urrente femrat, një “misogjen” i pashpirt.
Aktoria ka ndarë një artikull të shkrimtjares Lara Witt, e cila kërkonte t’i jepej fund dhunës kundër femrave, duke e cilësuar Lagerfildin si një “islamofob, racist, misogynist, nje përkrahës i dhunës dhe përdhunimit”.
“Ishte padyshim një stilist i talentuar, por si një njeri nuk ishte i mirë.” Por këtyre akuzave të tmerrshme i është kundëpërgjigjur modelja Kara Delavinj. Sipas saj Jamil kërkon të tërheqë vetëm vëmendjen e mediave me deklaratat që bën.
“Ta cilësosh të keq njeri të vdekur nuk është e drejtë. Duhet të merremi me njerëzit e gjallë dhe që na drejtojnë dhe që na bëjnë keq çdo ditë dhe jo të shkatërrosh imazhin e një njeriu që s’ka vetëm pak ditë që ka vdekur.” Në çdo rast për modelen, problemi s’qëndron tek Lagerfildi, por tek gjithë sistemi dhe bota me të cilën është e përbërë industria e modës. “Është koha që gjërat të ndryshojnë dhe për këtë jam dakord.” Ka shtuar modelja angleze në një postim të saj në rrjetin social Twitter.
