Programi “My living” kësaj here ishte në shtëpinë e aktorit Genti Kame, ku moderatorja Brunilda u mirëprit nga Genti, bashkëshortja Jolen dhe dy vajzat e çiftit, Alban dhe Dian.
Aktori dhe regjisori i njohur shqiptar ka përjetuar një histori të rrallë dashurie, pak a shumë si ato që kemi dëgjuar në përralla apo kemi lexuar në librat romantikë. Ai një djalë i ri nga një vend i vogël si Shqipëria kishte shkuar për studime në Paris, ku u njoh me atë që sot është nëna e dy vajzave të tij.
Jolen (Yolaine) nuk ishte një vajzë si gjithë të tjerat, pasi krahas virtyteve që me siguri Genti ka parë tek ajo, biondja që i rrëmbeu zemrën artistit shqiptar i përkiste një familje aristokrate Kontish francezë.
Yolaine d’Aboville ishte kontesha që rridhte nga familja e mbretit Luigj i VI, por që për shkak të martesës me një djalë që nuk ka gjak blu, asaj i është dashur të heqë dorë nga Titulli.
“Unë e kam humbur Titullin, sepse u martova me një burrë që nuk ka titull. Por unë kam dashuri dhe është më mirë se të kesh një Titull: u shpreh Jolene gjatë programit.
Sot çifti jeton prej katër vitesh në fshatin Ibë dhe duket se familja është përshtatur mjaft mirë me jetesën në Shqipëri.
Galeria fotografike
