Rei Bezhani është një këngëtar jo shumë i njohur për publikun, ndërsa ajo një prej ikonave të muzikës së lehtë e asaj popullore e qytetare shqiptare, të cilët janë bërë bashkë për të sjellë një bashkëpunim shumë interesant.
Irma Libohova dhe Rei Bezhani ishin të ftuarit e ditës së sotme në programin “Rudina” ku rrëfyen se si lindi kënga “Peng” mes dyshes që së largu duket se nuk kanë asnjë lidhje.
Ka qenë Rei ai që e ka ftuar artisten e madhe për t’u bërë pjesë e duetit dhe për habinë e tij, Irma pranoi menjëherë.
Gjatë programit këngëtarja u shpreh se është shumë e kënaqur për bashkëpunimin dhe ndonëse Rei nuk është ende një emër shumë i njohur për publikun e gjerë, ajo e vlerësuar shumë talentin e djaloshit të ri.
‘Peng’ është një këngë me ritme të ngrohta verore, paksa melankolike, që me shumë mundësi do të kthehet shumë shpejt në këngën e preferuar për të gjithë ata që ndoshta e kanë një PENG!
Galeria fotografike
