Ka marrë një kthesë të frikshme situata e pandemisë së Covid-19 në vend, pasi dy ditët e fundit janë regjistruar numri më i madh që nga nisja e pandemisë.
Ditën e sotme në vendin tonë janë regjistruar 42 raste të reja me koronavirus, një numër rekord ky, që nga nisja e pandemisë. Kujtojmë që edhe ditën e djeshme numri i të infektuarve me Covid-19 ishte shumë i lartë, pasi u shënuan 36 raste.
Neësbomb.al mëson se janë kryer 311 testime dhe prej tyre kanë rezultuar pozitiv me koronavirus 21 në Tiranë, 1 në Berat, 4 në Durrës, 3 në Krujë, 2 në Lushnje, 1 në Pukë, 9 në Shkodër dhe 1 në Urën Vajgurore.
Përgjegjësja e Epidemiologjisë në ISHP Silva Bino, bëri apel që të shmangen grumbullimet masive, duke theksuar se përkeqësimi i situatës ishte i papritur dhe se ka ardhur si pasojë e mosrespektimit të këshillave dhe rregullave.
