Shtatzania është sa e bukur, aq edhe e sikletshme, sidomos kur vjen fundi dhe duhet të përgatitesh për lindjen. Alba Cobaj megjithatë, e ka marrë me optimizëm, dhe e gjithë kjo falë një teknike që ka zbuluar në Internet, “Hypnobirthing” –që lehtëson dhimbjet e lindjes dhe ankthin e orëve të fundit.
Alba e ka postuar videon në kanalin e saj në YouTube me shpresën të ndihmojë dhe vajza të tjera që presin të sjellin në jetë një fëmijë.
“Më pyesni shpesh nëse kam frikë nga lindja natyrale dhe çfarë bëj për stresin dhe ankthin para lindjes. A mund të kemi një lindje me sa më pak dhimbje? Unë mendoj që po, prandaj ju ftoj të ndiqni videon e përgatitur dhe ta ndani me mikeshat tuaja që janë në pritje të ëmbël”, – shpjegon ajo në video.
