Nga data 5 shtator, Gjermani e cilësoi vendin tonë si një ved me rrezikshmëri të lartë nga Covid-19 duke e futur në listën e shteteve me ngjyrë të kuqe. Shteti gjerman vendosi rregulla të reja për të gjithë qytetarët që do të hyjnë në territorin e tij, nda TIA ka njoftuar se të gjithë pasagjerët që duan të udhëtojnë nga Rinasi për në Gjermani duhet të kenë pasaportë vaksinimi ose provë të kalimit të infeksionit të COVID_19. Gjithashtu pasagjerët duhet të kenë aplikuar në faqen zyrtare të autoriteteve gjermane einreiseanmeldung.de.
Në rast se pasagjerët nuk janë vaksinuar, atëherë duhet të bëjnë test antigen ose PCR dhe të futen në karantinë për 10 ditë në Gjermani. Përjashtim nga detyrimi i testit molekular ose antigjen bëjnë vetëm fëmijët të cilët janë nën moshën 12 vjeç.
