Duke nisur nga dita e sotme, më 6 shtator, në vendin tonë hyjnë në fuqi të tjera masa të reja kufizuese, me qëllim parandalimin e përhapjes së Covid-19. Të gjithë qytetarët që do të hyjnë në territorin e Shqipërisë, qoftë shqiptarë apo të huaj, duhet të plotësojnë një nga 3 kushtet e mëposhtme:
1-Të kenë pasaportën e vaksinimit, ku nga data e vaksinimit të plotë të kenë të paktën dy javë.
2-Të kenë testin PCR negativ brenda 72 orëve ose testin e shpejtë të antigenit brenda 48 orëve.
3-Të kenë provë të kalimit të infeksionit Sars-Cov2, të vlefshme deri në 6 muaj pas shërimit.
Ndërsa fëmijët deri në 6 vjeç nuk i nënshtrohen këtyre rregullave.
