Rigels Kaso nga Bilishti, 42 vjeç, i cili u gjet i dhunuar dhe i shtrirë në rrugë, ka ndërruar jetë në spital. Dyshohet se i ndjeri është dhunuar nga Bajram Gjeleshi, 36 vjeç, pasi Kaso i kishte dërguar bashkëjetueses së tij mesazhe në rrjete sociale.
Gjeleshi pasi ka lexuar këto mesazhe në profilin e bashkëjetueses e ka ftuar 42-vjeçarin për t’u takuar pranë pallatit ku jetonte, në rrugën “Sokrat Miho”.
Duke menduar se do të takonte gruan me të cilën po fliste në rrjetet sociale ai shkoi në adresën e dhënë ku u përball me bashkëjetuesin e saj, i cili e dhunoi me grushte.
Ngjarja ndodhi pak pas mesnatës më datën 15 korrik dhe ai u gjet nga kalimtarët në mëngjes të cilët njoftuan ambulancën. Nga verifikimet e kryera rezulton se 42-vjeçari ka qëndruar në Tiranë 3 ditë para se të ndërronte jetë.
