Albana Koçiu, ministrja e Shëndetësisë dhe Mbrojtjes Sociale, ka dhënë lajmin e bukur se në maternitetin “Mbretëresha Geraldinë” ka ardhur në jetë fëmija me peshën më të madhe të 10 viteve të fundit.
Koçiu bën të ditur se ky bebush ka lindur 6150 g, dhe ka ardhur në jetë nëpërmjet një lindjeje të suksesshme natyrale, falë stafit mjekësor të maternitetit “Mbretëresha Geraldinë”.
Teksa ka ndarë një video shumë të bukur të bebit, ministrja ka shkruar, “Bebi me peshën më të madhe i lindur në 10 vitet e fundit, pranë SUOGJ “Mbretëresha Geraldinë” .
Ky bebush ka lindur 6150 g dhe ka ardhur në jetë nëpërmjet një lindjeje të suksesshme natyrale, falë stafit mjekësor të SUOGJ “Mbretëresha Geraldinë”. Mirënjohje nga për stafin mjekësor dhe infermieror, pasi falë punës dhe përkushtimit të tyre nëna dhe bebi gëzojnë shëndet të plotë”, ka shkruar ajo.
