Njëra prej mjekeve të akuzuara për skandalin në spitalin Onkologjik, Alketa Pere ka reaguar sot për herë të parë nëpërmjet një deklarate para gazetarëve. Teksa pritet që Pere bashkë me kolegët e saj të spitalit të Onkologjikut të dalin sot para Gjykatës së Tiranës për t’u njohur me masën e sigurisë, ajo është shprehur se është e pafajshme dhe e përjashton veten nga ky skandal.
“Nuk kam asnjë koment. Kurrë në jetën time se kam bërë këtë gjë, që pacienti me kancer të shkojë në privat. Duhet të trajtohet në onkologjik, duhet të hetohen spitalet private për aktivitetin që kryhet. Duhet ndryshim rrënjësor në Onkologjik. Sot kam ardhur të mbroj veten time, jam e pafajshme", tha Pere.
