Ditën e djeshme një ngjarje e rëndë ndodhi në Shkodër ku Kolë Manaj, 34 vjeç, plagosi rëndë partneren e tij, Anila Ndoka Prendushin, 44 vjeçe, dhe më pas i dha fund jetës duke qëlluar veten me armë zjarri.
Edhe pse ishte menduar që ajo të sillej në Tiranë për një trajtim më të specializuar, mjekët kanë vlerësuar se gjendja e saj nuk e lejon transportin. Për këtë arsye, ajo po mbahet nën monitorim të rreptë nga mjekët në Spitalin Rajonal të Shkodrës.
-
5 ushqime qetësuese për t'u konsumuar çdo ditë!
19 Shkurt, 13:31
Së fundmi hetuesit kanë zbardhur bisedat mes çiftit përmes ekspertizës së telefonave celularë. Një nga mesazhet e fundit, i dërguar pak para ngjarjes, tregon për një gjendje të rënduar psikologjike të Kolë Manajt, “Do të lëndoj veten”.
Bëhet fjalë për një mesazh ku Kolë Manaj, në një gjendje të rënduar emocionale, i ka kërkuar Anilës që të takoheshin, duke e paralajmëruar se do të lëndonte veten. Ajo i është përgjigjur duke i kërkuar të takoheshin dhe të mos bënte veprime të gabuara.
Më pas, Manaj është paraqitur pranë vendit të punës së Prendushit ku ajo është futur në makinën e tij dhe më pas ka nisur një debat mes tyre e për pasojë ngjarja e rëndë.
