Aktorja e famshme Buffy The Vampire Slayer dhe Gossip Girl, Michelle Trachtenberg, ka ndërruar jetë në moshën 39-vjeçare. Vdekja e saj nuk po hetohet si e dyshimtë, konfirmuan burime policore për New York Post.
Trachtenberg ishte sidomos e njohur për rolin e saj si motra më e vogël e Buffy (Sarah Michelle Gellar), Dawn Summers, në 66 episode të dramës se mbinatyrshme që pushtoi zemrat e adoleshentëve në vitet 2000-2003.Vitin e kaluar, Michelle iu kundërpërgjigj 'gjuhës së urrjetjes”,sic tha ajo, të atyre që shprehën shqetësimin për shëndetin dhe pamjen e saj.
Aktorja, që krenohej me 1.1 milion ndjekës në Instagram/Tëitter, pati shkruar një mesazh ku thoshte: “Fakt argëtues. Kjo është fytyra ime. S`ka lidhje kequshqyerja, sepse nuk kam probleme . Përse duhet të urreni? Merr një kalendar. Jam 38 vjec, jo 14”.
Përdoruesja e Instagramit @cathy_critz vazhdoi ta pyeste: 'Michelle, dukesh e sëmurë. A je mirë?'
Të nesërmen, e nominuara për çmimin "Daytime Emmy" pati postuar një selfie duke treguar flokët e saj të sapolyer ku thoshte: "Kam marrë disa komente së fundmi për pamjen time. Unë kurrë nuk kam bërë operacione plastike. Jam e lumtur dhe e shëndetshme. Kontrolloni urrejtjen tuaj”.
