Këngëtari i njohur Big Basta i është rikthyer fuqishëm muzikës, duke zgjedhur të vijë me disa projekte të reja muzikore, pas shkëputjes disavjeçare që pati nga Shqipëria së bashku me familjen e tij.
Së fundmi ka ardhur me një bashkëpunim së bashku me Mc Kreshen dhe Lyrical Son, duke bërë bashkë në këtë mënyrë Shqipërinë dhe Kosovën jo vetëm në jetë, siç ka bërë me partneren e tij, Vesa Luma, por edhe në art.
“Ti M’ke Braktis” titullohet kënga e re e cila është pritur shumë nga mbarë publiku, veçanërisht nga artdashësit e shumtë të 3 artistëve. Teksti i këtij projekti të ri është realizuar nga Big Basta dhe Mc Kresha, ndërkohë muzika i është besuar Trinium.
Është kaq bukur kur artistët e mirëfilltë bëhen bashkë dhe sjellin projekte cilësore në tregun muzikor..
