Kur je një nga çiftet më të rëndësishëm në skenën ndërkombëtare, asnjë luks nuk duket shumë. Georgina Rodriguez dhe Cristiano Ronaldo kanë blerë një avion të ri privat për të siguruar që transporti i tyre të jetë sa më komod. Ata kanë zgjedhur një Bombardier Global Express, i cili mund të arrijë shpejtësi deri në 900 km/h.
Në mes të debatit mbi ngrohjen globale, kjo blerje e re nga Cristiano dhe Georgina sigurisht që do të shkaktojë polemika. Avioni ka një rreze veprimi deri në 9,000 kilometra. Por jo vetëm që është efikas kur bëhet fjalë për udhëtime, por interieri është plot me komoditete në mënyrë që çifti të përballojë udhëtimet e gjata.
Bombardier Global Express merr deri në 17 persona në të njëjtën kohë. Ajo ka tre dhoma të ndryshme të jetesës, një dhomë gjumi private, banjo me dush dhe kuzhinë të pajisur plotësisht. Në disa imazhe të Georgina Rodriguez të publikuara në Instagram, mund të shihen edhe disa detaje si sediljet e bardha prej lëkure me prekje floriri.
Është interesante se ky nuk është avioni i parë privat që Cristiano Ronaldo ka në pronësi. Portugezi kishte një Gulfstream G200 me vlerë 22 milionë euro, por vendosi ta heqë qafe, pasi kostoja e mirëmbajtjes së tij ishte shumë e lartë: i duheshin tre kapitenë dhe dy stjuardesa për çdo udhëtim që donte të bënte.
Për momentin, çifti po e shfrytëzon 'mirë' avionin e tyre. Mësohet se me të kanë udhëtuar drejt Laplandës për të kaluar festat e Krishtlindjeve me familjen. Ajo është përdorur gjithashtu nga Gio për të marrë pjesë në Javën e Modës në Paris. Kjo është vetëm një tjetër nga lista luksoze e pronave të çiftit.
GADGET/ Fjala e fundit e teknologjisë!
Jude Law: Bukuria është mallkim
