Paris Hilton ka surprizuar me pamjen e saj së fundmi, teksa është fotografuar nga paparacët në një qendër tregtare në Las Vegas. Trashëgimtarja miliardere është shfaqur e veshur me një kostum të gjerë sportiv, pa make up dhe me një kapuç në kokë.
Duke qenë se rrallë ndodh ta shohësh Paris në publik pa make up, fotografitë janë shpërndarë shumë shpejt në mediat sociale.
Hilton dhe bashkëshorti i saj Carter Reum u fejuan në shkurt 2021 pas më shumë se një viti lidhje dhe u martuan në nëntor të atij viti. Ata mirëpritën fëmijën e tyre të parë së bashku nëpërmjet një gruaje surrogate.
Pak javë më parë ajo zbuloi portretin e djalit të saj Phoenix në rrjetin social Instagram. “Engjëlli im i çmuar, Phoenix, është në Nju-Jork për herë të parë”, ka shkruar Hilton në postimin e saj.
Mirëpo reagimet nga ndjekësit ishin të shumta pasi sipas tyre, kishte diçka që nuk shkonte me formën e kokës së djalit.
Paris reagoi ndaj këtyre komenteve duke u shprehur, “Ka disa njerëz të sëmurë në këtë botë. Engjëlli im gëzon shëndet të plotë.
