Shqiptarja Mira Murati, një emër i njohur në botën e Inteligjencës Artificiale, ka nisur një kapitull të ri me startup-in e saj të sapothemeluar, Thinking Machines Lab.
Pavarësisht se kompania nuk ka ende një produkt të lancuar apo të ardhura, ajo ka vendosur objektiva ambicioze: të sigurojë deri në 2 miliardë dollarë financim në raundin e parë të investimeve.
Ky synim e vendos startup-in në qendër të vëmendjes së industrisë teknologjike globale, duke treguar besim të jashtëzakonshëm në vizionin dhe përvojën e Muratit – një nga figurat kyçe pas zhvillimeve të fundit në AI.
Edhe qeveria shqiptare ka njoftuar një investim prej 10 milionë eurosh në Thinking Machines Lab. Ky veprim shihet si një shprehje besimi në potencialin e teknologjisë së re dhe një përpjekje për të qenë pjesë e inovacionit që po formëson të ardhmen e inteligjencës artificiale.
Pavarësisht mungesës së një produkti konkret, mbështetja financiare dhe interesi ndërkombëtar tregojnë se Murati vazhdon të ndikojë fuqishëm në drejtimin që po merr teknologjia moderne.
