Kreu Stil Jetese

Si i lindi ideja për investime në Sazan?

4 Shkurt 2025, 12:35

Biznesi i Jared Kushner në ishullin e Sazanit vazhdon të jetë në vëmendjen e shtypit amerikan, e bashkë me të, edhe investimi i tij 1.4 miliardë dollarësh në ishullin e Sazanit. Këtë herë është “Financial Times” që kalon në lupë ecurinë e sipërmarrjeve dhe investimeve të dhëndrit të presidentit amerikan Donald Trump nga Lindja e Mesme në Europë.

Si i lindi ideja për investime në Sazan?

Së fundmi Edi Rama ka folur për median prestigjioze për projektin luksoz, duke e cilësuar si mundësi tejet të mirë për të tërhequr një turizëm elitar, “Afërsia e Trump me këtë projekt luksoz është një vlerë e shtuar e madhe, nuk mund ta fsheh Ne kemi nevojë për turizëm superluksoz”.

I pyetur si lindi kjo ide, Rama tha se Kushner po lundronte me jaht në Mesdhe me familjen e tij në verën e vitit 2021, e teksa po ankoronin jahtin në brigjet shqiptare, i kërkoi një miku ta ndihmonte për të ndërmjetësuar një takim me kryeministrin Rama. Gjatë darkës, Kushner nuk përmendi investime, kujton Rama.

Balerina e parë Ledia Sulaj, nënë për herë të parë!
4 Shkurt, 10:37

“Thjesht po pyeste për Shqipërinë… Praktikisht, ata nuk kishin asnjë njohuri mbi historinë shqiptare. Ditën tjetër, u larguan”. Kur u takuan sërish disa muaj më vonë në Davos, Rama thotë se Kushner i tregoi se i kishte pëlqyer shumë Shqipëria.

Gjatë asaj kohe, ai ishte takuar me Mohamed Alabbar, investitorin miliarder nga Arabia Saudite, i cili po zhvillon një marinë luksoze në portin e Durrësit, dhe kishin diskutuar mundësitë e investimeve.

Kushner rikthehet në Shqipëri verën e vitit 2023 me një delegacion më të madh, përfshirë Richard Grenell, një aleat i vendosur i Trump. “Qëndruan rreth një javë, duke vizituar disa zona”, thotë Rama. “Kësaj here, Kushner ishte i drejtpërdrejtë, ‘jemi të interesuar të investojmë”.