Kanë kaluar 12 vite që kur Bridget Jones filloi të shkruante ditarin e saj. Gjatë kësaj kohe letra ka mbetur pas dhe rrëfimet shkruhen ne iPad. Ndërkohë aventurat e publicistes britanike vazhdojnë ndërsa ajo ka kaluar të 40-at.
Në këtë kapitull të tretë të sagës Bridget Jones është e ndarë nga dashuria e jetës së saj dhe vendos që të përqendrohet në punën e saj, e rrethuar nga miq të vjetër dhe të rinj. Për herë të parë Bridget ka gjithcka nën kontroll sa duket se asgjë nuk mund të shkojë keq në jetën e saj. Deri në momentin kur jeta e saj sentimentale tronditet kur takon amerikanin joshës me emrin Jack (Dempsey). Ai është gjithcka që zoti Darcy nuk është. Papritur Bridget gjendet në pritje të ëmbël por ajo nuk është e sigurtë për babain e fëmijës.
Kjo është historia e “Bridget Jones’s Baby” komedisë romantike që do të fillojë të shfaqet premierë botërore në kinema Millennium prej datës 15 shtator.
Filmi është drejtuar nga Sharon Maguire e cila është edhe regjisorja e Bridget Jones’s Diary (2001). Skenari i filmit është shkruar nga Helen Fielding, Dan Mazer and Emma Thompson që në fakt nuk është përshtatje e romanit të tretë të Helen Fielding- “Bridget Jones: Mad About the Boy”. Ky është filmi i tretë dhe vijim i kapitullit të dytë “Bridget Jones: The Edge of Reason” 2004.
Në film aktrojnë Renée Zellëeger dhe Colin Firth, të cilët janë sërish në rolet e tyre si Bridget Jones dhe Mark Darcy, ndërsa në rolin e amerikanit joshës është aktori Patrick Dempsey. Në film përfshihet edhe këngëtari i njohur Ed Sheeran.
Sipas Colin Firth, rivali i tij i ri, Jack Qëant, intepretuar nga Patrick Dempsey është më joshës se i dikurshmi Daniel Cleaver, interpretuar nga Hugh Grant.
Filmi deri tani ka një vlerësim mjaft të mirë nga kritika e cila parashikon arkëtime mjaft të mirë që në fundjavën e tij të parë.
Skeda e filmit
Titulli: Bridget Jones’s Baby
Regjia: Sharon Maguire
Skenari: Helen Fielding, Dan Mazer
Aktorë: Renée Zellëeger,Colin Firth, Gemma Jones, Jim Broadbent
Kohëzgjatja: 122 minuta
Gjinia: komedi, Romancë
Sinopsi: Aventurat e reja të publicistes britanike Bridget Jones ndërsa ka kaluar të 40- t.
