Sulmet terroriste godasin sërish, duke mbjellë frikë e panik kudo nëpër botë. Kësaj here shenjestër ka qenë një autobus me besimtarë të krishterë, në Jug të Kajros i cili është sulmuar nga persona të armatosur, duke lënë të vdekur 26 persona, ndër ta edhe fëmijë, dhe duke plagosur 25 të tjerë. Dailymail shkruan se një grup prej 10 personash i janë afruar autobuzit dhe kanë hapur zjarr ndaj pasagjerëve duke shkaktuar një masakër. Mendohet që edhe kjo të jetë vepër e organizatës terroriste ISIS, edhe pse deri tani nuk ka dalë një deklaratë nga grupi famëkeq.
