Kreativiteti nuk iu përket vetëm stilistëve, por edhe klientëve, të cilët zgjedhin se si ta veshin një model apo një tjetër. Ndonjëherë, e marrim për të mirëqenë një stil të caktuar, ashtu sikurse ndodh të bëhemi krijues e të përfitojmë disa veshje, nga një e vetme. Mund t’ju duket e çuditshme tani që po e lexoni, por na besoni, është mëse e vërtetë! Ne ju prezantojmë me pesë stile, të prodhuara nga një këmishë e bardhë, të cilën shumë prej nesh mund ta disponojmë në garderobë. Ndoshta, keni menduar ta vishni vetëm për punë apo e keni përdorur një herë, e më pas keni harruar që ekziston. Eh, ju duhet të bëni një kërkim e ta gjeni, sepse do t’ju shërbejë më shumë nga ç’e kishit imagjinuar! Mund ta përdorni si kanatjere vere, ashtu sikurse mund ta shndërroni në një fund interesant, i cili do të bënte të dukeshit shumë ‘in’. E habitshme, por e vërtetë. Në galeri ju paraqesim me 5 ide stilimi, që do të jenë shpëtimi juaj gjatë pranverës së ardhshme dhe sezonit aktual!
