Java e Modës në Milano është një event i rëndësishëm botëror i modës i cili po zhvillohet prej datës 20 deri në 25 shtator ku firmat më prestigjioze si Giorgio Armani, Krizia, Etro, Versace, Tod’s, Agner, Moschino e shumë të tjera do të prezantojnë koleksionet e tyre të sezonit Pranverë-Verë 2018.
Modelet më të bukura të kolesioneve në pasarela po i shijojnë edhe dy bukuroshe shqiptare: Armina Mevlani dhe Aurela Hoxha! Armina, një blogere e njohur mode e cila është shprehur me lumturi se e dashuron punën e saj, ka ndarë disa momente të ditëve të modës në Itali ku nuk ka munguar paraqitja e saj me stilin e preferuar retro. Ajo ka ndjekur prezantimin e koleksioneve të Diane Von Furstenberg dhe Chloe dhe është mahnitur nga kombinimet e këtyre brand-eve për koleksionet e reja.
Edhe Aurela Hoxha na paralajmëroi dy ditë më parë se do të fluturonte drejt një eventi mode. Ajo ka pozuar gjatë mbrëmjeve të këtij eventi me themeluesin e Dsquared2, Catenacci. Hoxha ka qenë edhe pjesë e mbrëmjes Gala të Amfar, së bashku me shumë personalitete të njohur italianë. Për të parë momentet më interesante të pjesëmarrjes së vajzave në këtë event mode, shfletoni galerinë!
Ndërron jetë gruaja më e pasur në botë!
Gigi Hadid, tashmë edhe rrobaqepëse!
Çfarë e lumturoi sot Turin kaq papritur?
