Sezoni veror që lamë pas do të mbahet mend gjatë për ceremonitë martesore të personazheve të njohur të showbizit shqiptar. Duket se dasmat vazhdojnë dhe një tjetër personazh i ka dhënë fund beqarisë mbrëmë!
Besniku, vokalisiti i bandës së njohur “NRG Band” nga Kosova, ka kurorëzuar në martesë lidhjen e tij të gjatë e të fshehtë të dashurisë me të dashurën, Lolitën! Ai ka zgjedhur ta mbajë të fshehtë për shumë kohë e larg vëmendjes mediatike historinë me bionden simpatike, e pas një muaji që lidhja u bë publike ata po martohen. Ceremonia martesore është mbajtur mbrëmë në vendlindjen e të dyve, në Pejë. Besniku ka pozuar i qeshur teksa hedh valle me familjarët e miqtë e tij. Pas vallëzimit të tyre të parë, dhëndri ka surprizuar nusen duke i kushtuar një këngë romantike!
Jetë të lumtur çiftit!
