Jemi mësuar të shohim gjithnjë të njëjtat modele: të gjata, bukuroshe, me trupa e tipare perfekte. Por industria e modës nuk është kaq strikte në zgjedhjen e saj, siç mund të shihni në listën e mëposhtme.
Ndonjëherë, diçka që ti e mendon si dobësi, të kthehet në forcë!
1. Winnie Harlow
Modelja kanadeze Winnie Harlow përqeshej në shkollë, për shkak të sëmundjes vitiligo, e cila bën seksione të lëkurës të humbasin pigmentin e tyre.
Winnie u zbulua nga Tyra Banks dhe mori pjesë në “America’s Next Top Model”, ku fitoi famë të gjerë.
2. Shaun Ross
Një model afro-amerikan me albinizëm, i cili u bë i njohur pasi mori pjesë në sfilatën Java e Modës në Nju Jork, 2008, për stilistin Tim Hamilton. Ai ishte vetëm 16 vjeç në atë kohë.
Mund ta keni parë gjithashtu në videoklipin “E.T.” të Katy Perry.
3. Erika Ervin
Modelja ka hyrë në librin e rekordeve Guinness në vitin 2011, si modelja më e gjatë në botë, me gjatësi 201 cm.
Por Erika priti deri në vitin 2014 për t’i zbuluar botës që ajo kishte lindur mashkull, dhe kishte bërë trancizionin gjinor në vitin 2004.
4. Rick Genest
Modeli njihet ndryshe si “djali zombie”, dhe kuptohet fare mirë pse. Karriera e tij mori hov pasi drejtori i modës për Lady Gaga-n, Nicola Formichetti, e zbuloi në Facebook, dhe Rick mori pjesë në videon “Born this way” të artistes.
5. Molly Bair
Fiziku tejet i dobët i modeles Molly Bair ka qenë objekt diskutimi në fushën e modës, pasi ringjalli epokën e modeleve “anoreksike”. Në vegjëli, Molly vihej në lojë nga moshatarët e saj, të cilët i thonin që dukej si alien. Gjithçka ndryshoi kur Elite Models e zbuloi dhe ajo nisi të modelonte për çdo stilist.
