Nga armiq, në miq, dhe së fundmi edhe bashkëpunëtorë në muzikë! Ishte e veçantë mënyra se si artistët Noizy dhe Ledri Vula kumtuan bashkëpunimin e tyre, nëpërmjet dy fotove në Instagramin e secilit.
Nëse nuk ju kujtohet, Ledri dhe Noizy postuan foto të tyret pak minuta pas njëri-tjetrit, i pari duke shkruar “Deri dje, deri dje”, dhe i dyti “Deri sot, deri sot”.
Vargje nga kënga e tyre e ardhshme? Me shumë mundësi po!
Por të dy këngëtarët nuk e kanë lënë me kaq lojën e fotove në Instagram, kësaj radhe duke postuar dy foto të tjera rreth së njëjtës orë, dhe me të njëjtin mbishkrim: “Nesër!”.
Me plot siguri mund të themi që ky ka qenë sinjali i tyre për fansat, që projekti i shumëpritur do të publikohet ditën e nesërme.
Përveç kësaj, asgjë tjetër nuk dihet mbi këngën e dy artistëve. Të dy i përkasin të njëjtës rrymë, ndaj edhe do ta kenë pasur të lehtë të gjejnë një gjuhë e melodi të përbashkët, por për detaje të tjera, na ngelet të presim të nesërmen!
Makinat më të shpejta në botë
Çuna seksi për Halloween
Noizy çel biznes të ri, zbulon detajet
