Shohim shpesh foto të postuara nga Lori, ndërsa pothuajse gjithmonë shfaqet me veshje të ndryshme. Tërheq vëmendjen jo vetëm me kombinimet, por edhe me markat e shtrenjta që zgjedh herë pas here, e për këtë është shkruar shumë pak. Çfarë dallon më së shumti tek lori, është edhe ‘zakoni’ i saj për të mos cilësuar emrat e firmave që mban veshur, gjë që e dallon nga ajo çka blogeret bëjnë rregullisht.
Por, këtë herë Hoxha e ka thyer këtë rregull, e jo më kot. Veshur me një ‘body’ gjysmë-transparent të zi, xhinse dhe taka, Lori ka shkruar poshtë imazhit të postuar: “Varëset nga @shopdiso dhe emrat e tjerë të cilësuar, për të gjithë ata që pyetën”. Me pak fjalë, kërkesat e shumta të ndjekësve e kanë shtyrë trashëgimtaren e Top Channel të tregojë pak më shumë lidhur me kombinimin e zgjedhur. Por, si gjithmonë ka qenë Sara ajo që ka tërhequr vëmendjen me komente.
“Në fakt, mendjen te varëset e kemi”, ka shkruar ajo me humor, duke i vënë në dukje së motrës dekoltenë e ekspozuar më shumë se zakonisht. Nuk është hera e parë që shohim të tilla shaka nga Sara, e cila duket se nuk lë rast pa parë postimet më të fundit të Lorit. Marrëdhënie tipike prej motrash…
