Avicii, Dj që ndërroi jetë dje në rrethana ende të pazbuluara.
Ngjarja e trishtë ndodhi në qytetin Oman në Arabi.
Ndarja nga jeta e papritur e këtij DJ të famshëm, sigurisht që ka tronditur familjarët, fansat dhe industrinë e muzikës. Një nga dedikimet që ju bë nëpër rrjete sociale, ishte ajo e ish të dashurës së tij, Emily Goldberg, e cila postoi në Instagram disa nga momentet më të cmuara të kohës që ka kaluar me Aviciin, shoqëruar me një mesazh për fansat e tij që janë të shokuar.
” ‘Eja zemër, mos hiq dorë nga ne, më zgjidh mua dhe unë do të të tregoj dashurinë’. Ky është një nga tekstet e këngëve që Tim shkroi për mua. Do të doja t’i kisha jetuar deri në fund. Gjatë dy viteve që kemi qenë bashkë, ai ishte shoku im më i afërt dhe shoku im më i mirë. Tani nuk mund ta shikoj Bear (qenin) pa e ditur se nuk do ta shoh më fytyrën e tij. Unë ende po mbledh veten dhe ju falënderoj për të gjitha fjalët dhe mesazhet tuaja të mira. Më zgjoni kur të ketë mbaruar gjithçka, pasi nuk dua që të jetë e vërtetë ”.
