Kjo verë duket se do të jetë shumë ‘hot’ edhe në muzikë. Pas këngëve të reja që po e freskojnë ndjeshëm muzikën e lehtë shqiptare ditët e fundit, sapo mbërriti kënga më e re “Ku vajti”, kënduar nga Elvana Gjata.
Këngëtarja bukuroshe ka publikuar në llogarinë e saj në Instagram projektin e ri, shoqëruar me një koreografi plot ritëm. Me gjasë kjo këngë do të pushtojë diskotekat verore. Jo rastësisht, këngët e Elvanës gjithmonë arrijnë të shndërrohen në hite. Me anë kësaj video njihemi me tingujt e këngës dhe jo vetëm por edhe me titullin “Ku vajti”. Kënga prezantohet me një koreografi të kuruar me kujdes nga Albi Nako.
