Me lule
Dolce & Gabbana solli pranverën përmes këtyre syzeve të diellit dekoruar me petale shumëngjyrëshe prej qelqi dhe kristale rrezatuese. Një ‘must have’ në garderobën tuaj!
Mos kalo shiritin!
Këto sandale Fendi janë tregues i qartë i imagjinatës, se për të krijuar diçka unike, mjafton të gërshetosh me mjeshtëri edhe disa shirita, t’i vendosësh mbi taka dhe rezultati është i përsosur.
Pamje vajzërore
Askush nuk do ta besonte se Zimmerman, do të kalonte cakun duke propozuar një fustan me teksturë lulesh të vogla, përtej çdo parashikimi, një propozim ideal për një pamje tejet vajzërore.
Diell dhe ngjyra
Madhështia dhe eleganca e këtyre vathëve që mbajnë firmën e Guçi reflektojnë qartë identitetin, por edhe stilin e rafinuar; ideale për mbrëmje gala që kërkojnë doemos pompozitet.
Një çantë me lojëra
Ndodh që çantat e Alexander McQueen të jenë të paparashikueshme: mbi sipërfaqen e zezë të lëkurës është gdhendur një buqetë me detaje të forta metalike dhe kristale shumëngjyrëshe, si një lojë fëmijësh.
Si të gjeni gjuhën e përbashkët me fëmijën tuaj!
Pse “Burberry” djeg gjithçka që nuk shitet!
Ushqimet që po ju dëmtojnë dhëmbët!
