Mbrëmjen e kaluar në New York u mbajt edicioni i radhës i Met Gala 2019, ku yjet e famshëm botëror parakaluan tapetin e kuq veshur përshtatur me temën që këtë vit ishte: “Camp: Notes on Fashion”, që kishte në qendër veshjet e ekzagjeruara e të çuditshme.
Këngëtarja kosovare Dua Lipa kishte debutimin e saj të parë në eventin e Met Gala, ndaj bukuroshja shqiptare ishte impenjuar maksimalisht për të patur një paraqitje dinjitoze.
Dua parakaloi tapetin e kuq e shoqëruar nga partneri i saj Isaac Carew.
Dhe meqë jemi tek i dashuri i Dua Lipës, një foto në të cilët ai shihet krejtësisht i fiksuar pas të pasmeve të Jennifer Lopez po bën xhiron e rrjetit.
Ndërsa Isaac po ngjiste shkallët e ambfiteatrit, ‘fati’ deshi që aty pranë të ishte diva J.Lo e cila po pozonte për fotografët…
Sigurisht para kësaj pamje i riu Carew nuk mund të rrinte indiferent. Dhe shumë faj nuk i vëmë të themi të drejtën.



















