Big Mama-n u përball me një humbje shumë të madhe të shtunën e kaluar: i ati i këngëtares ndërroi jetë pas një sëmundjeje të rëndë, sic pohoi ajo vetë në një postim në “Instagram“, ku dha edhe lajmin e hidhur.
Por sesa po e përjeton realisht këtë gjë, ajo e tregoi edhe një herë përmes këtij mesazhi prekës në rrjetet sociale. “Baba… Dashuria ime e parë dhe e fundit, asnjëherë nuk kam dashur dikë si ti dhe kurrë nuk do të dua dikë si të kam dashur ty. Krenare që jam bija jote, faleminderit që je babai im! Unë dhe ti nuk jemi ndarë vetëm se kemi filluar një komunikim tjetër që për ne është i panjohur. Kam pasur, kam dhe do të kem babanë më të mirë në botë. Me emrin tënd jam bija më krenare”, ka shkruar ajo, duke treguar kështu se dhimbja ka për ta shoqëruar vertet për një kohë mjaft të gjatë, por mirënjohja e dashuria nuk do te veniten kurre.
