Rastësia ka dashur që çifti Arbana Osmani, Eduart Grishaj të festojnë ditëlindjen në të njëjtën datë, pikërisht më 7 maj.
Ditëlindja e këtij viti e gjeti çiftin më të plotësuar se asnjëherë sepse këtë 7 maj Arbana dhe Eduarti festuan si prindër në pritje të një bebushi.
Është e kuptueshme që me bërjen publik të lajmit të shtatzënisë së Arbanës, pyetjet që do t’u bëhen tani e tutje më së shumti çiftit; do të kenë një lajtmotiv: bebushin!
I ftuar në programin “E Diell” regjisori Grishaj u pyet nga moderatori Edi Manushi për profesionin që ai do të donte të kishte i biri/ e bija.
“Nëse është vajzë, le të bëhet regjisore. Nëse është djalë, le të bëhet futbollist meqë jemi këtu te Procesi,” tha Grishaj.
Hmm pra babi Eduarti s’ka ndërmend të ‘tolerojë’ tek profesioni i fëmijës së tij dhe dashka patjetër që genet e tij të anojnë nga profesioni dhe pasioni i vetë Grishaj.
