Data 18 maj do të sjellë lehtësim të masave në zonat e gjelbëra, por edhe ato tê kuqe. Kryeministri Edi Rama ka bërë me dije ndryshimet që do tê ndodhin nga dita e nesërme sa i përket kufizimeve me të cilat na është dashur të bashkëjetojmë gjatë dy muajve që nga nisja e pandemisë së Covid-19 në vendin tonë.
Përpos hapjes së bareve dhe restoranteve (deri në orën 17:30), Ministria e Shëndetësisë ka parë të arsyeshme edhe zgjatjen e fashës së orarit të liridaljes së qytetarëve në zonat e kuqe që do të shkojë deri në orën 21:00 si dhe heqjen e orareve për zonat e gjelbëra.
Edhe studiot televizive do të kenë lehtësime masash nisur nga e hëna, kur tashmë do të lejohen të lejohen edhe më shumë se dy persona në studio, por duke ruajtur distancën prej 2 m.
Postimi i plotë e kryeministrit:
Nga nesër për javën në vazhdim, në bazë të vendimit të Ministrisë së Shëndetësisë:
? FIERI KTHEHET NË ZONË E GJELBËR
? HIQET KREJTËSISHT FASHA ORARE E LËVIZJES NË ZONAT E GJELBËRTA
? FASHA ORARE E LËVIZJES NË ZONAT E KUQE ZGJATET DERI NË ORËN 21.00
? HIQEN NË TË GJITHË VENDIN AUTORIZIMET PËR LËVIZJEN E KËMBËSORËVE APO AUTOMJETEVE GJATË JAVËS – FUNDJAVA DO TË JETË PËRSËRI PA MAKINA?
VAZHDON TË JETË E NDALUAR HYRJE – DALJA E AUTOMJETEVE NË ZONAT E KUQE⛔️
? QEVERIA DO TË NDRYSHOJË NESËR AKTIN NORMATIV PËR HEQJEN E NDALESËS SË STUDIOVE TV PËR TË FTUAR JO MË SHUMË SE NJË PERSON. DO TË MBETET VETËM KUSHTI QË TË FTUARIT TË VENDOSEN NË DISTANCË 2m NGA NJËRI – TJETRI?
Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu!
Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht?
*Masa 14 ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal
