U përfol në mediat rozë, dhe Ronela Hajati tani e pohoi ndarjen me Young Zerka. Këngëtërja rrëfeu në Prive se është single dhe se ndihet mjaft mirë. Ajo shtoi se për momentin është e përqëndruar tek puna dhe nuk ka pengje për gjërat që kaluan.
“Po beqare jam dhe shumë mirë madje. Punë vetëm punë për momentin. Është e vetmja gjë ku jam shumë e fokusuar dhe kur fle mendoj për punë. Jam e izoluar dhe e fokusuar vetëm në punë. Po ndihem shumë mirë. Njeriu nuk mjaftohet kurrë edhe kur je shumë shumë mirë, prapë do të kesh diçka që nuk e ke. Unë shoh shoqet e mia. Kur janë në një lidhje duan të kalojnë kohë vetëm me shoqet, kur janë vetëm duan lidhje. Kur kanë diçka, duan diçka tjetër. Njeriu nuk ngopet”, u shpreh ajo.
