Princ Leka dhe e shoqja, Elia Zaharia u bënë përpara disa ditësh prindër për herë të parë. Lajmin e shtatzanisë, mediat e morën vesh shumë vonë; cifti ishte përpjekur ta mbante larg vëmendjes publike. Por tani, po ndajnë momente të ndryshme nga perjetimet qe kane pas ardhjes ne jete te vogëlushes së tyre, të cilës i kanë vënë të njëjtëin emër me gjyshen e princit, Geraldinë. Së fundi, treguan dhe një rastësi mjaft të vecantë. Vajza lindi në datën kur mbretëresha Geraldinë u nda nga jeta.
“Të dashur miq, ju falenderojmë përzemërsisht për urimet tuaja me rastin e lindjes së vajzës sonë, Geraldine. Të qënit prind është një bekim, që falë Perëndisë ne të dy po e shijojmë çdo moment! Dita e lindjes së Princeshës sonë ishte veçanërisht emocionuese, pasi erdhi në ditën kur plot 18 vjet më parë, Mbretëresha Geraldine u largua nga kjo jetë. Për ne të dy ishte një përshëndetje nga bota e engjëjve! Ne si prindër urojmë me gjithë zemër që Princesha e vogël Geraldine të rritet e shëndetshme, ta ketë zemrën të mbushur me dashuri, ta dojë dhe ta vlerësojë jetën, dhe jeta ta përkëdhelë me butësi dhe ëmbëlsi vogëlushen tonë!”, kanë shkruar ata.
