Stilisti legjendar Pierre Cardin, dizajnet futuriste dhe me stil të të cilit ndihmuan në revolucionin e modës në vitet 1950 dhe 60, ka vdekur në moshën 98 vjeçare. Gjiganti francez i modës, karriera e të cilit zgjati më shumë se 70 vjet, ndihmoi në fillimin e “epokës së artë” të pasluftës të couture me stilin e tij modern. Një pionier biznesi, ai gjithashtu licencoi emrin e tij për një gamë të gjerë produktesh.
Ai vdiq në spital në Neuilly, afër Parisit, i tha familja e tij agjencisë së lajmeve AFP.
“Është një ditë trishtimi i madh për të gjithë familjen tonë. Pierre Cardin nuk është më. Ne të gjithë jemi krenarë për ambicien e tij këmbëngulëse dhe guximin që ai ka treguar gjatë gjithë jetës së tij.”; thuhej në deklaratë.
Pasi u njoftua lajmi, llogaria e tij zyrtare në Instagram postoi një nga citimet e tij: “Unë gjithmonë kam punuar në stilin tim, i cili është ndryshe nga të gjithë të tjerët. Ishte gjithmonë qëllimi im të isha ndryshe, sepse kjo është mënyra e vetme për të zgjatur ”
