Saimiri vendosi që pas takimit që patën në Shkodër, ta conte Xhesin tani në Vlorë, aty ku ka lindur nëna e tij. Të dy bënë një xhiro me një anije, kapiteni I së cilës, Aleksandri, ishte veshur si pirat. “ Vërtet burri mban timonin por mendoj që është edhe gruaja ajo që jep drejtimin. Anija më kujton filmin “Piratët e Karaibeve”, tha Saimiri. “Anija “Perla e Zezë’ quhet me sa di unë. Kjo aroma e detit është fantastike. Me ty kam kaluar çdo pritshmëri dhe fantazi timen. Ishim në borë, tani jemi këtu në det. Më duket si një ëndërr”, ia ktheu Xhesi. Saimiri u shpreh se është kënaqur gjithmonë me të. “ Kemi kaluar shumë bukur në çdo takim. Tani doja të shijonim pak ushqimin e detit, unë e preferoj shumë. Nuk është vetëm ambienti që më bën të ndihem mirë, por në radhë të parë je ti”, tha ai. Ndërkohë, momentet romantike nuk munguan as me Merin. Ajo i shprehu ndjenjat e saj, duke I thënë se Saimiri i ka zgjuar një ndjesi të cilën nuk di ta shpjegojë me fjalë. Princi i “Love Story” tha gjithashtu fjalë që ishin muzikë për veshët e bukuroshës nga Elbasanit, të cilës i pohoi se ndjenjat e tij për të, sa vijnë e po shtohen.
