Së shpejti Rudina Dembacaj do të kurorëzojë në martesë dashurinë me Mark Frrokun. E teksa publikoi ftesat e veçanta të dasmës në Instastory, Rudina zbuloi detaje rreth kësaj dite të rëndësishme për të, e cila do të zhvillohet më datë 1 tetor në orën 19:00.
Në ftesat e dasmës është zbuluar edhe kushti që çifti ka vendosur për të gjithë të ftuarit. Ata duhet të jenë të vaksinuar ose të tregojnë test negativ Covid-19 para se të hyjnë në ceremoninë festive. “Duke kërkuar mirëkuptimin tuaj, ju duhet të tregoni detyrimisht në hyrje certifikatën e vaksinimit ose test negativ Covid-19 të 48 orëve të fundit”, shkruhet në ftesë.
