Bashkëshorti i Palomës, Alandi ishte së fundmi i ftuar në emisionin “Live from Tirana”, ku tregoi sesi po e përjeton ai pjesëmarrjen e saj në “Big Brother VIP”. Alandi kishte ca ankesa: tani që e shoqja është brenda reality shoë-t, atij i kanë mbetur të gjitha punët. Megjithatë, e bëri të qartë se e mnbështet plotësisht në këtë iniciativë të saj. “I kam thënë që në fillim shko se je për këtë format, sepse është aktive, energjike dhe ka batuta. I thashë thjesht që është karakteri dhe i duhet këtij formati. Nuk e di nëse do pëlqehet nga njerëzit dhe do votohet por shpresoj që të qëndrojë sa më gjatë në shtëpi, pse jo. Nuk është se nuk e përballoj dot, është pak e vështirë por nuk dua t’ja prish qejfin dhe dëshirat, sepse kur e do dikë do ta shohësh mirë. I kam thënë që në fillim që për çdo gjë më ke gati dhe unë do të mbështës gjithmonë”, u shpreh ai. Alandu shtoi se nuk eshte xheloz, por ka pasur raste që ajo e ka mërzitur sepse ka folur më shumë se ç’duhet. “Jo. Nuk është xhelozia një faktor, nuk jam bërë xheloz, por normal që jam aty ku duhet, pra e ka një limit edhe xhelozia. Unë jam shumë i qetë, e marr me dashuri dhe pasion çdo gjë. Më ka mërzitur në shumë momente që ka folur më shumë seç duhet, nuk ka shpjeguar”, tha muzikanti.
