“Deri ku shkon njeriu para”, ka qenë tema e cila është diskutuar mbrëmjen e kësaj të hëne në Opinion, në lidhje me femrat shqiptare, sheikët dhe fenomenit të quajtur “Dubai Porta Potty”.
Gazetari Spartak Koka ka treguar historinë e dy vajzave shqiptare që ushtrojnë prostitucion në Dubai dhe i përkasin botës së televizionit, “Është një vajzë në një përgjim parandalues. Një nga pjesëtarët e botës kriminale në Shqipëri që jeton në Dubai, i ofron një vajze të njohur të televizionit 70 mijë dollarë, që ajo të shkonte dhe ta shoqëronte dhe përkundrejt raporteve seksuale. Vajza pranon, edhe pse kishte një punë të rregullt në Shqipëri”.
Ndërkohë më tej Koka ka treguar historinë e një vajze nga Kosova, e cila po ashtu është një person që i përket botës së televizionit.
“Është një vajzë nga Kosova. Kreu i një grupi kriminal në Shqipëri i ka thënë kësaj vajzës për shërbime seksuale, ti do të shkosh vetëm me mua, për një vit. Dhe unë çdo muaj do të jap 20 mijë euro dhe ti mos të shkosh me asnjë tjetër.
Sipas një investigimi nga një televizion grek, në Dubai janë 45 mijë vajza që janë pjesë e rrjeti të prostitucionit me dëshirë, me 30 mijë dollarë, 40 mijë dollarë. Ke vajza shqiptare që për një vit kanë bërë 200 mijë euro. Ka vajtur atje ka punuar, në Shqipëri ajo do thotë punoi arkitekte, ekonomiste, fotoshooting”, ka deklaruar Koka.
