Disa ditë pas publikimit të albumit të saj të fundit, “Renaissance”, Beyoncé do të modifikojë tekstin e një prej këngëve të saj, tha një përfaqësues i këngëtares të hënën, në përgjigje të protestës së avokatëve të personave me aftësi të kufizuar, të cilët thonë se ylli i popit nuk duhet të përdorë një fjalë që historikisht është konsideruar si sharje.
Në “Heated”, një këngë e frymëzuar nga sallat e vallëzimit, këngëtarja përdor fjalët “spaz” dhe “spazzin”.
Aktivistët dënuan përdorimin e fjalës me anë të postimeve në mediat sociale, duke theksuar se një tjetër yll popi, Lizzo, kishte hequr të njëjtën fjalë nga një këngë pas reagimeve të ngjashme në qershor.
“Fjala, e cila nuk është përdorur qëllimisht në mënyrë të dëmshme, do të zëvendësohet”, njoftoi një zëdhënëse e Beyoncé me anë të një emaili.
Galeria fotografike
