Kantautori kanadez The Weeknd mesa duket është lodhur me emrin e tij artistik. Abel Makkonen Tesfaye ka performuar me emrin skenik The Weeknd që nga viti 2009, ka fituar katër çmime Grammy dhe ka shitur mbi 75 milionë albume muzikore.
Në një intervistë të re me W Magazine, artisti zbuloi planet e tij për të hequr emrin artistik pas një “albumi të fundit”. “Po bëhem gati të mbyll kapitullin Weeknd. Unë ende do të bëj muzikë, ndoshta si Abel, ndoshta si The Weeknd. Por unë ende dua të vras The Weeknd.
Dhe do të bëj, pas të gjithave. Patjetër që po përpiqem ta heq këtë lëkurë dhe të rilind sërish. Albumi për të cilin jam duke punuar tani është ndoshta i fundit im si The Weeknd. Kjo është diçka që duhet të bëj. Si The Weeknd, unë kam thënë gjithçka që mund të them”, u shpreh ai.
Kujtojmë që The Weeknd është një nga artistët më të pëlqyer kanadez. Ai së fundmi ka zbuluar planet për një turne të ardhshëm me reperen e njohur, Doja Cat.
Horoskopi ditor, e mërkurë 10 maj 2023
Horoskopi ditor, e martë 9 maj 2023
