“Uji i kristaltë dhe degëzime të bardha: Parku i parë Kombëtar i lumit të egër në Evropë për rafting”, kështu e nis artikullin kushtuar vendit tonë prestigjiozja “The Times”. Britanikja shkruan se në Shqipëri gjenden përrenj me shumë adrenalinë, male të shenjta dhe një lumë i pazbutur.
“The Times” përshkruan me detaje lundrimin me gomone apo kajaket për rafting duke e konsideruar këtë sport si një festë në ujërat e pastra që të rrëmbejnë në furinë e lumit të egër të Evropës. Adrenalina në këtë lumë unik siç është Vjosa të shton rrahjet e zemrës, duke e bërë këtë shëtitje padyshim të paharrueshme.
Në artikullin e “The Times” shkruhet se Vjosa mbetet e paprekur dhe në asnjë pikë përgjatë gjithë lumit nuk ka kanale, devijime, sikurse asnjë digë të mundshme. Në brendësi të shkrimit nënvizohet se Vjosa është vetëm një nga mrekullitë e shumta të eksploruara gjatë itinerarit të rafting.
Pas udhëtimit plot adrenaline në një fshat malor të vogël, turistët provuan një vakt tërësisht me produkte bio të rritura në tarracat e fshatit. Më tej një shëtitje poshtë malit të shenjtë të Tomorit dhe akomodimi në Bujtinat aty pranë.
Britanikja “The Times” shkruan se lumenjtë e Shqipërisë mbeten padiskutim xhevahirët e saj duke u krahasuar me lumenjtë në veri të Kanadasë.
Horoskopi ditor, e enjte 15 qershor 2023
Si dukej Sara Hoxha përpara famës, dalin fotot!
Arbana i hyn muzikës? Fotot që ngritën dyshimet!
Horoskopi ditor, e mërkurë 14 qershor 2023
