Miley Cyrus ka reflektuar së fundmi për fundin e martesës së saj me Liam Hemsworth. Këngëtarja 30-vjeçare ka zbuluar ditën e saktë në të cilën vendosi se ishte koha për t’i dhënë fund marrëdhënies së saj.
Ish-çifti u martuan në heshtje në dhjetor 2018 pas një romance dhjetëvjeçare, por njoftuan ndarjen e tyre më pak se një vit më vonë. Cyrus ka zbuluar se vendimin e mori në ditën e performancës së saj në Festivalin Glastonbury në Angli më 30 qershor 2019.
“Glastonbury ishte në qershor dhe në atë kohë mora vendimin. Martesa ime me Liam erdhi sigurisht nga dashuria, pasi kishim 10 vite bashkë, por në një farë mënyre edhe nga një traumë e përjetuar”, tha këngëtarja, e cila më tej shtoi se ata u përpoqën që ta shpëtonin marrëdhënien e tyre sa më shpejt të ishte e mundur, por përfunduan duke lënduar më shumë njëri-tjetrin.
“Dita e shfaqjes ishte dita kur kisha vendosur që nuk do të funksiononte më në jetën time të isha në atë lidhje”, u shpreh ajo.
Shfaqja vazhdoi si zakonisht, me Cyrus që doli në skenë për të dhënë një performancë të paharrueshme. Në një moment, ajo solli babanë e saj, Billy Ray Cyrus, për t’u bashkuar me të si i ftuar special.
“Ky ishte një moment ku puna, performanca, personazhi ishin të parat”, shpjegoi ajo. “Unë mendoj se kjo është arsyeja pse tani është kaq e rëndësishme për mua që njeriu të jetë i pari”.
Horoskopi ditor, e premte 8 shtator 2023
Yjet që u dashuruan me fansat e tyre!
Horoskopi ditor, e enjte 7 shtator 2023
