Pavarësisht ndarjes së tyre vite më parë, gjithmonë e më shumë po flitet për një rikthim të mundshme mes Ben Affleck dhe Jennifer Garner; nxitur dhe nga divorci i aktorit nga Jennifer Lopez dhe shfaqjet publike të dashurisë.
Me dhjetë vite martesë dhe tre fëmijë së bashku, lidhja e tyre ka mbetur solide edhe pas divorcit. Aludimet filluan të qarkullojnë pasi një burim i tha “Page Six” se "Ben do të donte të kishte një shans tjetër me Jennifer-in nëse do të ishte koha e duhur”.
Fjalë që sugjerojnë njëfarë nostalgjie nga ana e aktorit, por që nuk reflektohen nga ana tjetër, pasi Jennifer Garner, në fakt, duket se nuk ka të njëjtin mendim. "Ndjenja nuk është e ndërsjellë," komentoi më vonë një person i brendshëm i afërt me aktoren, "Jennifer ka një marrëdhënie të shkëlqyer me Benin si bashkëprind, por marrëdhënia e tyre ndalon këtu". Për më tepër aktorja nuk është beqare, që nga viti 2018, ajo ka qenë e lidhur për fat të mirë me John Miller, CEO i një kompanie teknologjike dhe marrëdhënia e tyre është e fortë. “John është partneri i saj dhe ajo është e lumtur me të”, ka konfirmuar një burim për MailOnline.
Sipas burimeve pranë saj, aktorja është në paqe dhe nuk ka ndërmend të rihapë një kapitull të mbyllur. Miqtë e aktorit janë të bindur se nëse Jennifer Garner ndahej nga Miller, Ben Affleck do të kthehej tek ajo pa hezitim. Por realiteti është shumë ndryshe. “Ben e di se nuk mund të ketë një të ardhme romantike mes tyre, jo ndërsa Jennifer është në një lidhje me dikë tjetër”, shpjegoi një burim.
Një person i brendshëm i afërt me aktorin i tha TMZ se aludimet se ai dëshiron të pajtohet janë "qesharake". Sipas këtij burimi, aktori aktualisht nuk është në lidhje me askënd dhe nuk është i fokusuar në jetën e tij të dashurisë, por vetëm në punë.
Pas vitesh ulje-ngritjesh, Ben Affleck dhe Jennifer Garner kanë gjetur një ekuilibër që i lejon ata të jenë të pranishëm në jetën e fëmijëve të tyre pa ndjenja të vështira. Një rezultat që në botën e të famshmëve nuk është edhe aq i dukshëm. Pavarësisht harmonisë dhe lidhjes së tyre të dashur, rikthimi së bashku mbetet vetëm një ëndërr për nostalgjikët. Jennifer ka ecur përpara dhe Ben duket se e ka pranuar që historia e tyre tani i përket së shkuarës.
