Ish-Miss Universe Kroacia, Ivana Paris, ishte një nga personazhet më të ndjekur në Ballkan pak më shumë se 10 vjet më parë, por tani, pas tërheqjes së saj nga sytë e publikut, ajo nuk njihet me.
Ivana fitoi titullin Miss Universe Kroacia në vitin 2002 dhe prej disa kohësh nuk është shfaqur në publik, ndaj shfaqja e saj e fundit ka habitur shumë njerëz. Net.hr ka publikuar foton e saj, e në krahasim me edicionet në të cilat shumë e kujtojnë, dallimi është i dukshëm. Katër vite më parë, Ivana u përball me një tragjedi të madhe familjare. Motra e saj e vogël ndërroi jetë papritur, pas së cilës ajo u tërhoq nga sytë e publikut. Gjithashtu, në vitin 2020, ajo u divorcua nga Dino Bubiçiq, ish-Mister Kroacia, pas gati 10 vitesh martesë. Ata kanë dy djem së bashku.
Pas karrierës së saj të modelingut, Ivana ndërroi profesion dhe u bë menaxhere e një klubi të Zagrebit, ku u njoh me partnerin e saj të ri, me të cilin u fejua vitin e kaluar. Gjithashtu, në një intervistë në vitin 2024, ajo tregoi se kishte një sërë problemesh shëndetësore, por që ia doli t’i kapërcejë.
