Regjisorja Ana Veseli, e cila është ish-bashkëshortja e Aldos, banorit të këtij edicioni në BBV ka rrëfyer marrëdhënien që ka tashmë me të. E pyetur se s’i e ka parë Ana marrëdhëniet e Aldos me të tjerët, sidomos me vajzat e shtëpisë, ajo tha,
“Aldo në matyrën e tij, marrëdhëniet me faktorin femëror i ka shumë të mira në përgjithësi edhe në jetën reale jo vetëm në Big Brother. Unë mendoj që Aldo raportet më të mira në shtëpi i ka me vajzat. Mendoj që kjo është edhe në jetën reale. Marrëdhënia që ka me Danjën është shumë interesante dhe mua më pëlqen. E shoh edhe Danjën si karakter shumë të rëndësishëm në shtëpi.”
Ndërkohë më tej ajo foli për raportin e tyre të mirë, teksa u pyet nëse ndonjë ekziston mundësia e një rikthimi mes tyre, “Përderisa është marrë një vendim do të thotë që arsyet kundër kanë patur një peshë.
Jo se mund të kenë qenë më shumë por kanë patur një peshë. Kanë qenë një faktor i rëndësishëm por arsyeja pse ne kemi një marrëdhënie kaq të mirë është që në botëkuptimin tim në një moment që ti bëhesh familje me dikë, unë dhe Aldo jemi bërë familje dhe kjo është përjetë. Unë, Aldo dhe Akira do të jemi përjetë një familje pavarësisht se ne nuk jemi burrë dhe grua dhe nuk jemi të martuar, do të jemi gjithmonë një familje”.
