Nag Raçi ishte i ftuar në “Live From Tirana” për të diskutuar më shumë mbi mbrëmjen e finales së madhe të “Big Brother VIP”, e mes te tjerash, u diskutua edhe si ishin veshur VIP-at në tapetin e kuq sipas tij?
Kush është veshur më keq sipas Nag?
Në finale ranë shumë keq në sy. Kryesinë e mban Gerta me atë fustanin. Normalisht që shijet janë relative, por i bie që shijet janë shumë rëndë nëse është pëlqyer Gerta. Gerta dukej shumë keq të them të drejtën, me ato flokët e fryra si në ’97, me ato xixat e fustanit blerë tek ‘butik Lumturija’. Nuk ndriçoi.
Dhe një person tjetër që më ka zhgënjyer dhe që prisja me të vërtetë shumë, dhe që është dukur më mirë tek “Portokallia” se sa në Tapetin e Kuq apo në studion e BBV, është Loredana. Mund të më kritikojnë njerëzit, nuk ka asnjë problem, unë po them mendimin tim të sinqertë. Loredanën e dua tmerrësisht shumë dhe mendoj se është një dashuri, por mendoj se ka nevojë për një konsulent për mënyrën se si vishet. Ishte pak ‘cheap’ si fustan.
Gjithashtu dhe Valbona. Kam dëgjuar që për Valbonën ka pasur shumë pëlqime. Dëgjova Niko Komanin në TAR që tha se është veshur më mirë nga të gjithë. E para, mua nuk m’u duk për tapet të kuq, m’u duk pak më e thjeshtë për tapet të kuq. Valbona është një personazh që është veshur shumë mirë dhe shumë ekstra për shumicën e netëve të prime-it dhe gjithmonë kishte diçka që të surprizonte.
Çfarë e ka prishur veshjen, mendoj unë, ka qenë pjesa e cropit, që ishte shumë ‘cheap’, sikur e kishte blerë tek Medreseja. Ndërkohë gjithë ajo veshja e bardhë ishte shumë madhështore, por nëse do t’i kishte vendosur ndonjë detaj, ndonjë aksesor… Nga Valbona prisja shumë, nuk është se dukej keq, por ishte shumë thjeshtë për natën finale.
Cili nga finalistët ishte veshur më bukur?
Finalistët dukeshin për mrekulli, por dua të veçoj kush dukej më bukur. Për mua më bukur nga të gjithë dukej Rozana, një mrekulli, një diva. Ajo e di shumë mirë se çfarë vesh dhe e përfaqëson atë që vesh. Pra, nuk është se ajo merr një fustan apo kostum dhe e vesh për t’u dukur bukur. Ajo i jep një ngjyrim tjetër veshjes, pra e përfaqëson. Ka qenë një veshje e bardhë, kishte një korse gold por të tejdukshëm, që herë pas here i nxirrte probleme kur ulej dhe e rregullonte me dorë, por ia kishte ngushtuar belin kaq bukur dhe ia kishte nxjerrë hiret të gjitha në pah.
A është veshja e duhur ajo e Rozanës për një Tapet të Kuq?
E Rozanës patjetër që po. Ishte komplet gala, komplet për tapet të kuq. E dua shumë Rozanën. Kjo nuk është në ngjyrimin e tifozerisë, por me të vërtetë dukej shumë mirë. Dhe jo vetëm në finale, por mendoj gjatë gjithë sezonit. Më pëlqeu shumë ai dualizmi që ka bërë natën e parë që është veshur me të zeza dhe natën finale që është veshur me të bardha, gjithë ai katarsis shpirtëror që ka bërë dhe që e ka përmendur vazhdimisht që është shpëlarë nga gabimet. Rozana është artiste, ka qenë me e thellë se sa kaq. Nuk mendoj se Rozana bën gjëra të pamenduara mirë dhe që ia lë rastësisë.