Jamie Foxx, aktori fitues i çmimit Oscar, është në një pikë kthese në jetën e tij. Pas një shqetësimi të madh shëndetësor në vitin 2023, ylli 57-vjeçar ka rivlerësuar prioritetet e tij, duke çuar në një vendim që të gjejë dashuri dhe madje të krijojë një familje.
Foxx, i njohur për stilin e jetës së tij si beqar, tani është i fokusuar në ndërtimin e një të ardhmeje më kuptimplote, sipas RadarOnline. Sprova e fundit shëndetësore e Foxx ishte një përvojë që ndryshoi jetën. Në prill 2023, aktori pësoi një goditje në tru, duke e lënë atë të shtruar në spital. Udhëtimi drejt rikuperimit ishte sfidues, duke kaluar një periudhë edhe në karrige me rrota.
"Swmundja ishte si njw thirrje zgjimi. Ai po e kupton se jeta është e shkurtër. Ai është gati të takojë dikë të veçantë, të martohet dhe të krijojë një familje”, tha burimi. Marrëdhëniet e kaluara të Foxx, duke përfshirë një romancë të profilit të lartë gjashtëvjeçar me Katie Holmes, kanë qenë shpesh nën qendër të vëmendjes.
Lidhja e tyre përfundoi në vitin 2019, thuhet për shkak të stileve të ndryshme të jetesës. Pavarësisht ndarjes, Foxx ka ruajtur fokusin e tij në rritjen personale, me një angazhim të ripërtërirë për të gjetur një partner që përputhet me vlerat e tij.
"Jamie është gati të përqafojë një kapitull të ri”, ndau burimi i brendshëm. “Ai është i vendosur ta bëjë këtë fazë tjetër të jetës së tij për dashurinë, familjen dhe lidhjet kuptimplota”.